全新旅遊專頁，即like籽想旅行：https://fb.com/travel.appleseed
走進大阪心齋橋一間Cafe，耳邊傳來熟悉的廣東話。「我真係好鍾意發哥，第一次睇《英雄本色》就迷上咗，不過一次都無見過佢，我真係希望抱佢！」穿花花襯衣的盬田七情上面，非常肉緊地說。旁邊的竹內笑得合不攏嘴，十多年前她看了周潤發的《賭神》，從此愛上港產片。這間以語言為主題的「C Flat Cafe」，每月有兩節廣東話課，給大阪的日本人聚首學廣東話。
這天遇上的四個日本人學廣東話年資各有長短，有的曾在香港居住、留學，有的因熱愛港產片而學廣東話。瑪琳3年前在中文大學當交換生，學了一年廣東話，很喜歡香港的夜景與街景，愛吃點心。豊田在1992年到1996年在香港居住，「最初唔識廣東話嘅時候，覺得大家好似嗌交咁，不過依家習慣咗。香港嘅廣東話係咁，大聲啲。」在香港住過一年的鹽田笑說：「去餐廳食飯嗰時，我講廣東話同伙記傾偈，佢哋真係好開心，仲畀我免費甜品生果。」對她而言，香港人與大阪人有共通之處，「都係好鍾意食嘢，好鍾意講價，好鍾意搵錢，行路都好快，所以去香港好似返鄉下。」
問到學廣東話最難之處，他們都不約而同說是發音與聲調。豊田說：「日文好平，但廣東話最緊要就係聲調，我哋聽落就似唱歌。」在大阪，廣東話的課程與教材也不多，不少日本人都苦無途徑學廣東話。C Flat Cafe就透過網上招募組織一班學員與香港人導師，每節廣東話課90分鐘，收費2000日元（約138港元）。
香港人Keely在大阪居住八年，是Cafe其中一位廣東話導師。「以前喺香港教咗二十年廣東話，喺學校教日本人，了解佢哋所痛之處。最主要都係場景練習，如果淨教文法會好悶，過程中分享好笑嘅、禁忌嘅文化，上堂開心啲。」這裏的課堂不像語言學校般刻板，更像朋友聚會，透過輕鬆的日常對話學習。這Cafe十年前開業，創辦人永野馨子因為想學英語，聚集了一班導師與學員，以輕鬆形式上課。後來提出想學廣東話的人越來越多，造就廣東話班誕生。永野笑言自己並不懂說廣東話，但她曾在一間大阪的香港公司工作多年，對香港一直很感興趣。Cafe除英文和中文班，還有韓文、泰文、西班牙文與法文班等，如同一個國際文化中心。「我喜歡透過語言帶動人與人的溝通，這也是我創辦Cafe的初衷。」永野說。
C Flat Cafe
地址：大阪中央區南船場3-10-28中村興産ビル2F
旅遊錦囊：
機票：乘國泰航空直航大阪，機票連稅及附加費約3,365港元
交通：從Klook網站預訂JR關西&北陸地區鐵路七日周遊券，價格為1,030港元。
匯率：100日元約兌6.8港元
鳴謝：國泰航空、HomeAway、KLOOK
記者：洪慧冰
攝影：鄧鴻欣（部份相片由受訪者提供）