嚟緊本周三（11月1日）夜馬並唔係跑快活谷，而係上演沙田八場泥地夜賽，當晚亦係冠軍騎師雷神莫雷拉停賽期滿復出嘅日子。
據知屆時雷神嘅座騎中，包括三班泥地1200米沈集成馬房的「最驫」，此駒曾於同程跑過一次亞軍，當時評80分在三班負133頂磅，僅輸頸位給少負5磅的「公証揚鳴」，可見此路程實力之強。如今僅66分，在三班只需負115磅，當然係牌面馬。
本來潘頓上仗已接手「最驫」，在快活谷1000米為此駒熱身，今仗返回強項泥地賽，潘頓亦順理成章渴望再騎，奈何佢造不到輕磅，眼巴巴被雷神奪去所愛，搶走「最驫」帥印，潘頓只能怪自己體重過高唔爭氣。
「最驫」為了今仗亦瘋狂催谷，10月20日曾試泥地1200米大閘，由頭放到尾輕鬆跑第一，狀態不成問題。而雷神今場有匹近日由自己試閘大勝的「心花怒放」亦放棄不騎，更顯得「最驫」機會突出。