【飲食籽：師傅到】
「燒雞翼，我自細鍾意食……」，但經常吃到的是又韌又出血的，要煎一隻熟而滑的雞翼有何難？ 蒜香混合雞翼微焦的肉香令人垂涎，只要你掌握以下秘技，燒雞翼，大人細路都會追住食！就讓我過你兩招！
材料：
雞中翼 兩磅
調味料：
蒜茸 一湯匙
生抽 一湯匙
豆瓣醬 一湯匙
蠔油 一湯匙
咖喱 一湯匙
喼汁 一湯匙
生粉 兩湯匙
酒 適量
步驟一：雞翼醃逾10分鐘
把調味料加入容器中，醃10分鐘以上。
步驟二：煎雞翼唔「黐底」
首先燒滾油鑊，師傅提醒鑊一定要夠熱，不然容易「黐底」。放入雞翼， 再開猛火把鑊傾側轉一周，令雞翼均勻受熱，同時輕搖雞翼避免「黐底」。雞翼煎至兩邊金黃時即可倒起油，然後開猛火。
貼士：
要做出嫩滑又熟透的雞翼，技巧何在？師傅教授最重要秘技，他說：「倒油後再開火，溫度夠熱時灑酒並立即蓋上鑊蓋，待鍋蓋熱燙手即關火，焗2-3分鐘，就會焗出又香又滑的雞翼。」利用蒸氣深入雞肉中慢焗之，正是竅門所在。
吳永皓師傅
資深粵菜大廚，有逾二十年入廚經驗，對菜式的源流典故，乃至各類知識也有涉獵。
採訪：梁潔群
攝影：鄭明川
編輯：翟純恩