周星馳曾經喺《少林足球》入面講過：「做人如果無夢想，同條鹹魚有咩分別呀？」咁熱血嘅說話，估唔到同樣適用於阿里巴巴主席馬雲身上，如今佢終於一圓佢嘅演員夢想。
講緊係馬雲最近喺個人微博，上傳咗一張電影海報，最震驚係海報上企喺正中間嘅，正正係馬雲本人。無錯，馬雲真係拍咗套戲，聞說仲要係唔收錢，套戲叫《功守道》，應該係套武打片。
睇番其他演員名單，仲有袁和平、洪金寶、程小東、李連杰、甄子丹、吳京……粒粒都係著名武打巨星，但睇番企位，似乎男主角係馬雲，果然夠晒有面子呀，要一眾武打巨星都要「靠邊站」。
馬雲曾經講過，自己兒時夢想係唱歌同做演員，如今實現咗一個，莫非下一步佢就會去唱歌？