意大利籍李寶利今個馬季暫時只贏了三Win，成績一般，但他和練馬師姚本輝合作卻不錯，曾10次騎姚廐馬，得1冠3亞1季，上名率有一半算甚高。
今期(29日)快活谷日賽，姚本輝又有馬交予李寶利搏殺，其中第四場四班1200米的「指揮官」，唔使問都知一定鬥志如虹，事關除咗隻馬操練積極外，今朝(28日)晨課亦有晒特殊動靜，只見姚本輝喺烽火台mark實李寶利，指手畫腳做晒手勢，明顯在講解應如何發揮「指揮官」，兩人更笑晒口心情輕鬆，似乎都對今戰充滿信心。
事實上，「指揮官」的確形勢大好，上仗同程谷草1200米配梁家俊，以53倍大冷拼入亞軍，表現大有進步，四歲馬目前只是剛起步，評分肯定仍有不少上升空間，加上今仗有2檔及117磅輕磅之利，難怪騎練李寶利、姚本輝今朝好似胸有成竹咁樣啦。