日後去機場Check-in嘅旅客有福了！機管局話，年底開始，車主去旅行時如果想揸車去機場泊幾日，就可以用「我的航班 HKG My Flight」呢個App網上預約機場車位，仲可以泊足30日喎！而且機場仲會喺年底推出120部「iCUSS」流動智能登記櫃枱，旅客只要放本護照入去，就可以一次過做齊登記、揀位同寄行李。八方聽聞仲有主題公園想加呢部機入樂園到，等遊客玩到一半都可以Check-in定先啊！
機管局行政總裁林天福仲大派定心丸，話引入「iCUSS」係為減輕同事工作壓力，唔係為咗減人手。不過相信旅客最想改善嘅，都仲係等行李時間仲耐過程機嘅問題，連CEO自己都話，𠵱家嘅服務標準未必符合旅客預期喎！CEO不如諗諗點樣令旅客可以快啲拎到行李喇！