反口參加特首選舉並勝出嘅特首林鄭月娥，噚日出席「灼見名家」論壇，林鄭喺舊年11月都曾出席同一論壇，當時佢未宣佈參選，中央又未DQ梁振英。佢當時發表成7,000字嘅「八大願景」臨別贈言，仲提大家唔好當呢個係參選政綱。
林鄭噚日輕輕一句「世事都是難以預料」解釋自己「唔選又選」，仲竟然話當日嘅演詞真係成為咗佢嘅政綱，亦成為佢首份施政報告嘅內容。政客一句「世事難預料」，真係乜都可以反口。
林鄭舊年演詞以「擔心、關心、痛心、灰心」來總結演說，今日嘅佢話：「有人話，女人心，海底針，所以你睇到未必係事實，你睇到我舊年好似好灰心、好擔心，但其實我舊年我好開心，因為唔使我做（特首），我只係勾劃咗香港嘅新願景，希望有新嘅行政長官同埋新一屆問責團隊為香港開創新嘅願景，我就可以功成身退。」她指，如今心情沉重，因為「
𠵱家輪到我做（特首）」。