新時代習思想，中共出了第二個紅太陽，跟香港接軌第一擊，內地幼稚園學生排排坐睇習總升神的十九大開幕直播，會展偷師，效顰者是慶回歸活動名下項目之一的基本法研討會，香港官立中學也來個校內睇live捧場。
睇唔到李飛講基本法來來去去三幅被嗎？教局真係睇唔到，建議官校停課兩節，全校撐場。Live由林鄭主禮開咪，張建宗埋尾，兩小時，抵睇到爛。官校想升呢的話，「自願」吧。校長統計掌聲，愈響愈讚。同學們，有反對的請舉手，無！無！無！棄權的請舉手，同樣無無無！直播騷正式通過！
十九大習帝「神光普照」下，李飛，無影，證明實力只屬黨內五毛，教局過度熱捧，恐怕淪為笑柄。在習思想進入偉大新時代這個敏感而高危的時段，回歸二十年的慶祝活動，絕對只能以習帝為核心，少提基本法成功爭取，多擦習主席走向神壇的鞋，才是拜神自保之道。
還記得習帝七一訪港時，曾經唔like狼英安排，嫌機場的紅地氈太短。林鄭「官到無求」未坐穩，柒上捌落，感受到習思想的底氣未？