港人近年追求綠色生活，唔少公司都引入環保和節能技術。第12屆國際環保博覽噚日開幕，日本廠商Azabu希望將「魔法油漆」Gaina打入香港市場，Azabu海外事業部部長林威成同八方講，Gaina本來係用係太空船頂部，啲液化塗層可加快散熱，佢話屋企入面油完Gaina後，即使冷氣機調到25℃，但體感溫度都只有約20℃，長遠可以慳埋電費㖭。不過，
𠵱家就暫時未有得係香港賣，但佢預計一桶14kg、白色約售2千港元（未連運費），可塗約35平方米面積。
另外，同場亦展出生產力促進局研發、全港首部純電動16噸勾斗車，專為重型商用設計，可用嚟做垃圾車、密斗車等，充電一個鐘就可以行駛200公里。