香港迪士尼樂園下月16日起變身成冬日樂園，城堡前每天會有2至3場、每場約20分鐘嘅「米奇與好友聖誕舞會」，米奇同好友換上聖誕服飾載歌載舞；仲會有雪人Olaf，及小熊Duffy最新好朋友Stella Lou！
園區準備超過70款特色聖誕主題美食及精選餐飲，市集餅店亦推出聖誕美食，包括聖誕唐老鴨、流沙雪人和脆脆聖誕樹等。
此外，仲有港人專享優惠，包括香港居民可以用639蚊，喺官網買「雙重節日優惠」門票，12月23日或之前入樂園玩兩次，又會有9折購物優惠。同時，由即日起至11月7日，港人致電或於官網預訂「食、住歎世界」優惠套票（價格由1,488蚊起），就可以11月1日至12月14日入住指定酒店同嘆下午茶，另外仲有長者樂園門票兩張。