近日喺社交網站上，波蘭美女球證Karolina Bojar執法嘅相喺網上瘋傳，佢嘅美貌隨即引得唔少網民「心裏小鹿亂撞」。當地傳媒當然唔會放過佢，立即對Karolina Bojar進行「起底」，原來年僅20歲嘅佢，受到都係做球證嘅爺爺影響，於是走去報考球證課程，當時班上只得佢一個女仔，但Karolina Bojar一於少理，終攞到球證資格；而身為「波蘭唯一女球證」，佢最愛嘅球隊係巴塞隆拿，床單都用埋地上最強嘅出品。
Karolina Bojar喺大學修讀法律，但就打算喺裁判界先闖一闖，並且開始咗專業球證嘅職業生涯，喺波蘭少數地區聯賽執法。如果第日佢喺國際賽執法，咁班球迷對眼真係會好唔得閒！
