細個成日聽老竇講要路不拾遺，但有幾多個細路會咁聽話？哈特斯菲爾德小球迷Adam就肯定係其中之一。佢喺上個禮拜六哈特斯菲爾德主場2:1擊敗曼聯場波執到一張五鎊（約51港幣）紙幣，醒起老竇講過路不拾遺，於是寫咗封信畀哈特斯菲爾德總監Sean Jarvis，麻煩佢將呢五鎊送畀澳洲中場阿倫穆爾（小圖），因為Adam最鍾意嘅球員就係佢。當日阿倫穆爾亦冇令呢位小球迷失望，仲有波入。Adam喺信中話阿倫穆爾因為表現好好，所以可以留住呢五鎊；Sean Jarvis之後將呢封信影相擺上Twitter，冇幾耐阿倫穆爾亦都喺社交網話好希望見吓Adam喎。