保安局長度出屎橋，提出在西九一地兩檢的割地區域裏頭，香港市民以三條九報警求助，接線生會將電話轉駁至內地公安。
駁線嗎？市民個心離一離。點知駁去那個，是真公安，抑或是國產詐騙黨。師奶阿嬸，拎住手機，覺得對方很可疑，照計應該打電話報警。但政府說，高鐵為咗市民方便，為咗48分鐘唔停站到廣州南站，為咗立法會非建制派難得少減六席反枱無力，政府廣告加大力度強攻，快！省！融合！機遇！一地兩檢，變成林鄭一個玩晒的三步走鐵人賽，重施西九故宮那招零諮詢，我辦事，爺放心，符合習近平新時代偉大的鬥爭方針，打一場必勝的仗！
等一等，唔係打仗，係打九九九。轉駁公安，不代表第一時間被接聽。慢板的公安專線，遇着猴急叫救命的香港市民，點算？大腦重現港鐵車廂被縱火那一幕。乘客唔係吳京，港鐵唔肯賠償，高鐵屬內地司法管轄，維權律師幫到香港人嗎？死人塌樓，真係見過！林鄭膽自大了，明年例牌，頒個英勇獎章給遺屬孤寡，合時時笑到四萬咁口回應：睇唔到亦唔明白點解有人話涼薄喎。
收到。打九九九，無救；絕望中試吓，打柒柒柒。