醫管局7個聯網會定時公佈年度工作報告，港島西醫院聯本年度工作重點係加強支援瑪麗同葛量洪醫院肺部移植團體，未來會增加1名資深護士、3名註冊護士和4名病人服務助理。港島西醫院聯網總監陸志聰話，近兩年肺移植個案維持9至13宗，團隊計劃每年增加7個肺部移植手術，會有一筆過撥款100萬元改善設施，今年頭10個月做咗12宗肺移植，𠵱家仲有17人等緊肺移植。
原來陸醫生噚日生日，一班接受過器官捐贈啲受助者帶埋蛋糕嚟同陸醫生慶生。不過蛋糕就冇寫歲數，陸醫生話自己同譚詠麟一樣年年25歲，仲話生日願望係多啲人支持器官捐贈。