【馮仁昭四圍超】初戀後冇着落《出貓》明詩單身5年

【馮仁昭四圍超】初戀後冇着落
《出貓》明詩單身5年

泰國校園電影《出貓特攻隊》喺香港票房大收,打破《人妖打排球》17年前創下香港最高泰片票房紀錄,相當巴閉!戲中飾演「明詩」嘅21歲索女依莎亞賀素雲(Oom)早前獲邀來港出席活動,並接受本報專訪。

讚米雪好靚

笑容甜美嘅Oom直言增加不少賺錢機會:「開頭拍嘅時候唔知迴響咁大,喺泰國好收視,已經好開心,𠵱家好似有一個bonus。」Oom喺大學讀裝置藝術系四年級,佢話:「喺我細個時候,媽咪好鍾意睇米雪嘅劇集,我覺得佢好靚,知道佢係香港出色嘅演員,當然希望同佢合作。」
提到戀愛經歷,Oom毫無保留同大家分享,16歲初戀後就一直單身:「最緊要兩個人嘅心可以聯繫到,我會鍾意男仔有唔同嘅天賦,例如喺電影入面嘅賓爺,佢讀書好叻,因為自己唔叻,所以會欣賞。」
撰文:馮仁昭

泰片《出貓特攻隊》為明詩(右二)帶來不少機會。劇照