FIFA頒獎禮上除咗唔少球壇名人撐場外，就連阿根廷球王馬勒當拿（左）都畀面出席。不過作為美斯嘅同鄉，老馬唔單止冇表態支持，反而公開大讚C朗，話C朗獲獎係實至名歸，仲話C朗拋離其他球員一光年㖭，明顯係暗寸同胞美斯喎。有記者就問老馬係咪同美斯唔妥，佢就堅決話冇，仲話有同美斯擁抱交流，更加有摸吓美斯塊面，但到底係咪門面工夫，就只有老馬自己先知囉！