上周論「命」與「運」，今周再補充一些概念：「命」就如打麻雀一開十三隻牌的模樣，有人一開牌便十三隻萬子（好牌），有人一開牌就鴛鴦六七四（爛牌） ，然好牌爛牌只屬於靜止狀態的比較（命），遊戲繼續的話就是動態（運）。一手好牌的可以食唔到糊，甚至出銃而輸錢（有好命而無好運）；一手爛牌的人可以摸到好牌，越砌越靚最終食埋糊收錢（無好命而有好運）……然一開始揸一手好牌仍然屬於有利，如果再能夠食糊的話，自然可以贏大錢（命好運好）……箇中比喻一講就明。
凡同年同月同日同時生人，命理上簡稱「同庚生人」。假設甲、乙二人同為男命，同年同月同日同時生，紫微斗數命盤亦相同。理論上二人「命」「運」皆相同，若為富命的話，理論上甲硂乙皆發富，但實際上仍然會有出入，皆因所謂「運」實有分天運、地運和人運。由出生年日時起的「運」稱為天運，屬出世即定下來不可改變；地運即指出生地及陰陽宅風水；人運則指影響命主的其他人，包括六親、朋友、同學、同事、老師等等。地運人運帶有後天性，而甲乙二人同庚，屬命與天運相同，而地運硂人運當不盡同。所以即使甲乙二人雖同是富命，「富」的質和量自然有所不同，甚至可以一個發另一個不發未定。命理上說，富貴貧賤關乎「命」，枯榮得失（更） 繫乎「運」，屬至理明言。
琛明大師
mailto:[email protected]
本欄逢周三刊出