周三（25日）晚谷草賽事用C加3欄作賽，天文台預測日間天晴乾燥，估計場地掛牌為好至快地。
睇番最近9月27日賽事，後追馬唔算蝕位，如「鑽石達人」及「葵涌老友」後上建功，另外「君子精神」及「魅力之子」後上包Q，加埋上周三C欄亦連場見外叠後追馬交出表現，今次跑道再移出三米，預期此類馬仍可佔優勢。
第四場「君子精神」及尾場「紅星」上仗正是於9月27日谷C欄後上建功，贏完等番同一移欄再跑，睇部署有心求添食。
另外，五場「紅旗星將」跑谷C加3欄一次即上名，亦係全場唯一曾於此移欄上名之參戰馬，憑較佳場地性能可建功。