愛爾蘭籍騎師郭能今季開局未如理想，佢亦感到自己事業陷於低潮。話雖如此，但呢位人稱Ironman嘅騎師，絕對係鐵漢柔情嘅表表者，事關佢完全冇忘記一匹帶俾佢好多榮耀嘅前本港名駒「將男」。
昨日（22日），郭能就帶埋自己仔女喺賽前再次探望見已退役的「將男」，仲將合照放上社交網站同馬迷分享，再用hastag指「將男」係ironhorse（鐵馬）及legend（傳奇），呢對人馬拍檔真已密不可分，果然探完老朋友，郭能嘅低潮就此過去，剛啱（22日）日賽就憑「放眼量」贏馬！
其實曾夥拍郭能贏過三場一級賽嘅「將男」，退役之後就一直寄居喺上水雙魚河馬房，需暫未知呢匹馬嘅未來係點，但郭能其實曾親口話想「將男」養喺自己太太於外國嘅馬房入面，不過馬主則希望「將男」可轉型成馬術賽駒。