「再行埋嚟我跳落去！」這句經常出現的電視劇對白，在現實中或尋死者發自內心的吶喊。談判專家用一張嘴，把無數生命從死亡邊緣拉回來。但每次失敗都意味着一個生命的離逝，談判組成員林思音6年經驗中，一次失敗令她難以忘懷。
林思音憶述當晚約6時接到指令到達深水埗一唐樓，一名50多歲男子危站於天台圍欄外，「佢隻手捉住欄杆，基本上一放手就bye bye」。對方「十問九唔應」，正值寒冬，最後靠一個麥當勞漢堡包打開話匣子，「我話『你都應該肚餓啦』，遞咗個包畀佢，佢就開始講自己嘢畀我聽」。
救人沒magic word
男事主事業家庭狀況處於低潮，與談判組糾纏近6個鐘，直至半夜12時，「佢同我玩倒數，話『12點鐘後，你唔使再同我講嘢，我會走，你點講都冇用』」。近半夜，消防隊換班，現場環境變動令事主誤以為消防員有所行動，隨即鬆開扶着欄杆的手，「佢望住我，就喺我面前跳落去……我即刻擰轉身，同我拍檔講『我未講完㗎』，跟住就聽到墮地『嘭』一聲」。林當時忍不住流淚，「我有好多嘢想講，本來有信心講得番佢回頭」，奈何一個誤會令他放棄生命。這次談判令她留下陰影，幸獲上司開解，警隊隨後亦安排臨床心理學家為她輔導 。
同為談判組成員的督察曾希文說，談判沒magic word，「唔係講咗邊隻字，個事主就唔跳」。他把談判比喻為談情，「唔會一拍拖就結婚」，由不相識，慢慢建立關係，到願意伸出雙手讓人拉他一把，須經歷漫長溝通。每個談判員的夢魘往往是事主不肯開口，意味情況相當危險，「我寧願佢發我脾氣，發洩情緒」。
警隊談判組成立42年，去年出勤應付反恐活動、挾持人質和企圖自殺等案件達83次，近年更自家研發儀器應付不同談判情況，如今年初自行組裝談判機械車，裝置了廣角鏡頭、喇叭和無線咪，機械車可上落樓梯和轉彎行駛，談判員能透過遙控溝通平台與事主溝通。
■記者梁銘恩