雷神即係雷神！有啲馬係佢騎先贏得，好似沙田馬場今午（22日）第三場五班1400米，雷神重策羅富全馬房之「銘記心中」，以極刁鑽的走位追過對手建功，人馬合作兩戰全勝。今場單Win及組合獨贏A1分別派24及21元。
女馬主鄭是鳳名下之6歲新西蘭自購馬「銘記心中」，是羅富全開倉從練首匹出賽馬兼首匹頭馬，於今季開鑼戰配雷神莫雷拉即勝，上仗再出換李寶利卻落第，今次雷神肯重策果然有料到，沿途居後列，直路本來困於馬群中冇位，但雷神左穿右插走位非常靈巧，結果及時位追過「好準確」贏頸位，為「銘記心中」取得歷來第二Win。
除了「銘記心中」，羅富全連同第二場由田泰安贏「紅衣優駿」，馬房火速起孖，目前羅富全有12場頭馬，暫帶離蘇偉賢兩場，居龍虎榜首位，而他於今季8次沙田賽事全有馬贏。
今場第二至四名順序為「好準確」、「金錢炮」及「知道勝」，四重彩派76,688元。