曾於曾俊華做財爺時任政治助理嘅羅永聰，喺薯片叔叔打完特首戰之後已經話佢會自己開公關顧問公司，之後一班同薯片叔叔助選嘅人，就開咗個叫「蘇杭街一號」嘅fb賬號，入面仲貼好多個慈善公益宣傳片。噚日「前任行政長官及政治委任官員離職後工作諮詢委員會」出稿，正式批准肥仔聰開兩間顧問公司，其中一間就係由佢同其他股東開嘅「蘇杭街一號」顧問公司，另一間就未有名，而肥仔聰會喺下星期一正式開工。不過因為肥仔聰做過財爺政助，委員會亦對佢開出好多條件，好似唔可以做涉及政府事宜游說工作，亦唔可以參與競投財政司司長辦公室及轄下政府部門負責嘅合約等等。