捷克網球手比莉絲高娃今季雖然試過升上一姐之位，但佢四大滿貫都食白果，咁嘅成績佢當然唔滿意啦；佢嘅同胞、早前喺奧地利網賽奪冠嘅史達歌娃，就喺fb大爆比莉絲高娃使橫手搶自己教練：「佢喺美網之後同我講，話想請我嘅教練古柏教佢，冇幾耐我就收到古柏嘅訊息，話要同我終止合約。」史達歌娃仲話，古柏喺佢毫不知情之下，一早同比莉絲高娃嘅男友兼經理人夏歷卡達成協議，令佢勁嬲。