禮拜日（22日）田草十場賽事用全闊A跑道作賽，睇番上季10月23日沙田錦標及精英碗賽日亦係用A欄，當日放頭馬無一入Q，反而居中後上馬連場建功，如「嬴風雲」、「京京千里」、「幸運如意」及「宅大大」俱在早段留守中後位置，入直路憑後勁衝贏對手，靠後勁食糊馬可優先留意。
今戰列陣馬中，第九場三班1200米的「僥倖」上仗正是於田A欄轉倉即勝，贏完等番同一移欄再跑，睇葉楚航部署有心同柏寶求添食。
另外，第七場精英碗1200米的「幸運如意」五次角逐田A欄獲兩勝且未失前四名，包括上季正是勝出精英碗，今季再遇A欄有機會蟬聯錦標。