中坑管樂團「耆樂無窮」成員來自五湖四海，有退休會計師、副校長和前香港電台高層，儘管人人背景不同，但不少人也如「魚佬」李彩華一樣，喜歡音樂卻為口奔馳，放下樂器多年，藉組成耆英樂團重拾少年夢，現年70歲的「鼓王」Louis，便是其中之一。退休前是會計師，少年時代愛夾band，他笑言對華哥的第一印象是「點解呢個肥佬滿身酒氣」，「識落先知佢可愛，亦敬重佢真心愛音樂」。
「練完歌最期待食海鮮」
「耆樂無窮」的骨幹成員主要來自信義會的男爵樂團，為華哥牽線組成樂團的黃德成，直言老同學凝聚力強，對音樂未必最有認識，但卻是樂團的靈魂人物：「佢係我哋飲食部專員，練完歌最期待係食海鮮，香港仔係佢主場，通常由佢拍板，吹得好食斑，吹得唔好就食泥鯭！」做IT公司高層的成哥大笑。與華哥是小學同學，失聯多年，他形容這個頂着大肚腩的魚佬「骨格精奇」，臨老自學色士風卻有板有眼。
成哥說：「最服佢係唔識睇五線譜，但好多歌聽一、兩次就識吹，好厲害！」對被讚音樂領悟力高，華哥打趣謂只限細個聽到爛的老歌：「好似啲網友改編阿Rain（李彩華）嗰首歌，講真我就冇點聽過」。對音樂有要求，他說對食一樣不能苟且：「海鮮都要不時不食，講真最靚嗰啲可能已經賣走咗，但啱啱死、呢日來貨多特別平嘅，就一定最抵食」。因音樂結識，因魚蝦蟹結緣，耆英樂團確是老而彌堅。
■記者呂麗嬋