香港運動員喺上月舉行嘅亞室運勇奪35面獎牌，港協噚日舉行祝捷會，大部份得獎運動員都有出席。泳隊橫掃四金五銀五銅，歐鎧淳同陳健樂都係大贏家，陳健樂下個月會去新加坡、北京同日本參加世界盃。同場嘅保齡老大哥胡兆康未來一個月先去墨西哥戰世界盃，回港短暫逗留後，又去美國出戰世錦賽，佢話：「好似『遊機河』咁，返到香港可能會繼績依當地時間作息。」