今季跑馬地賽事最難拆解的事並非場地偏差，而是三班1200米經常成排馬衝過終點，往後難以衡量賽事水準高低。
就算同一班參賽馬再次同場較技，只要欄位、檔位不同，賽事結果都可以大幅不同，這又是跑馬地賽事有趣地方。今次（18日）三班1200米又拆兩組，各位度馬的時候又要細心拆解。
至於四班1200米都拆開兩組，第2場6號「喜進」上仗季內初出都有品評此駒，上季試好谷閘顯露前速，結果上次賽事快步速下輸比「航天勇將」及「中華壹號」，後者再出已補中，今次同場快馬唔多，有能力再擺前走，如柏寶閘前再打小圈更高度留意。
7號「無限欣賞」，上次跑同程重戴眼罩有些少新鮮感，但洩盡形勢下仍跑第四，復課觀感有進無退，惟跑20次只得1Win無P，所以屬配腳。
初出4號「八太子」雖然潘頓試閘後無揀騎，但走勢純熟，來港前亦有試閘工夫，如臨場情緒對瓣可作邊線配腳。