【我們的演唱會】拆夥7年嘅組合at17，將於今年12月重組假伊館舉行兩場「Girls Girls Girls」演唱會，日前盧凱彤（Ellen）及林二汶接受本報專訪，二汶親解重組之謎：「分開嗰陣，覺得有一日我哋有自己成績先走番埋一齊。」分開才知對方好，Ellen話以前冷戰係因為唔了解對方為自己嘅付出：「到我solo先發現自己唔識hold一個騷，原來冇咗林二汶係咁辛苦！」二汶則說：「我都係一樣，當我唱MMO時，發現自己淨係識講笑嘅空殼，覺得自己好死！」
擔心做儍事
分開7年，Ellen又患情緒病又出櫃自揭已婚，二汶坦言：「兩單嘢對我都好大打擊，我知你病時，我係覺得點解我唔喺你身邊，如果我哋仲一齊會唔會咁呢？我未必幫到手，但我係有怪自己，原來我差啲就冇咗你！」當年二汶曾目睹Ellen病發情況：「好肉赤！佢喊得好勁，失控喊但冇聲！」
二汶坦言曾擔心Ellen做儍事，Ellen則安慰：「其實躁鬱症會令人處於情緒波動，當然會諗過輕生，有負面思想唔係因為你嘅錯、懦弱、世界好壞，所以食番藥冇事。」
