禮拜三（18日）谷草賽事用C欄作賽，睇番最近9月20日同一移欄賽事，雖然有「埼豐」及「皇龍大師」用見習生藉慢步速之利放到，不過其餘場次卻見居中後上馬連場建功，如「自由飛翔」、「海利多」、「事必獲利」都係抄外叠入直路蝕位下仍能衝贏對手，似乎後追馬唔算蝕底，不宜過份側重內叠前置馬。
今戰列陣馬中，出戰第七場三班1200米「狀元才」及「幸運興隆」上仗正是於9月20日谷C欄贏馬，等番同一移欄再跑，有機會包辦連贏。
另外，角逐第四場五班1800米的「大爆發」兩戰谷C欄獲一W，亦係全場唯一贏過此移欄之參戰馬，亦有留意必要。