來自巴西的雷神莫雷拉一停賽兩日，澳洲籍騎師喺剛次（14日）日賽即時幾乎壟斷整個香港馬圈，事關當日十場沙田賽事中，有九場都由佢哋獲勝。雷神周三（18日）晚復出，唔知佢可唔可以一嘢就反壓呢班澳洲人，幫非澳系騎師出番啖氣呢？
不過雷神喺呢次八場夜賽中，只得七匹馬上陣，將會第二場稍作休息，當然唔少惡馬都係佢手中啦；但今早（16日），雷神就只獨操出戰第五場四班1200米嘅「靚猴王」，進行快跳。
落馬後，雷神更手持電話起勢咁撳，之後就打道回宿舍收工，動態認真特別。相信唔係雷神重視嘅話，都唔會特意呢朝番嚟晨課，只操呢匹文家良旗下馬啦！