2018世界盃決賽周今年12月一號就會進行分組賽抽籤，而種籽排名就喺噚日公佈，除咗東道主俄羅斯外，世盃其他七支頭號種籽，就係德國（圖）、巴西、葡萄牙、阿根廷、比利時、波蘭同埋法國！而鐵定排第二種籽嘅，就有西班牙、英格蘭、墨西哥、烏拉圭、哥倫比亞，其他就要睇埋世盃外同餘下附加賽決出嘅球隊喇！