財政司司長陳茂波早前出席迪士尼活動時疑似「勾結外國勢力」，主動同美國隊長握手，近日仲直情去埋訪美，仲喺網誌大晒同美國聯邦儲備局主席耶倫嘅合照（圖），讚對方係一位非常平易近人嘅學者，話同佢就貨幣政策同經濟展望有好好嘅討論喎，唔知愛字堆係咪又要出動？
其實波叔係以中國代表團成員身份出席國際貨幣基金組織（IMF）同世界銀行嘅年會，除咗同美國商務部長羅斯，以及美國財政部副部長同國務院相關官員見面，亦有機會同IMF、世行以及幾間跨國銀行嘅領導層交流，仲拜訪兩間著名智庫傳統基金會（Heritage Foundation）同卡托研究所（Cato Institute），同「外國勢力」嘅交流真係緊密嘞。