全新旅遊專頁，即like籽想旅行：https://m.facebook.com/travel.appleseed
於中環新開的英皇戲院推行個人化電子戲票流程，使用手機App便可預訂電影，掃描QR Code便可入場，節省排隊購票或取票時間。佔地兩層的戲院設有五間獨立影院，其中一間是貴賓影院。每一個影院的面積不算大，不過設計尚算user-friendly，有齊貼心的USB充電位。而貴賓影院提供服務按鈕，只要按個鈕，就有員工幫你點餐、送餐飲，不過記者就覺得，在看電影途中送餐，有可能會騷擾他人。另外，貴賓影院內每張椅上都會有披肩和咕𠱸，而且座椅椅背和腳踏都可調校，行距尚算闊落。
戲院亦設有小食吧，提供不同種類的觀影食物，例如手撕豬肉墨西哥脆片、黑松露醬熱狗等，比起一般戲院，食物款式較有心思，所以價錢並不便宜。至於一張戲票的價錢，普通影院要$115一張戲票，貴過同區的百老匯戲院些少，貴賓影院當然更貴，$250一張戲票！
記者：莊芷君
攝影：徐振國
