本周末（14日）沙田賽事雷神莫雷拉停賽，「二哥」潘頓當然要把握機會求表現，今戰潘頓手執不少惡馬，其中「東方快車」及「小巨人」最有留意價值。
列陣第六場二班1600米蔡約翰馬房的「東方快車」，賽前由莫雷拉試閘跑第二，因騎者停賽而改由潘頓接手，亦是騎練今季首度合作。翻查紀錄，上季莫雷拉缺陣期間，蔡約翰曾有「翩翩」、「得意繽紛」及「旺蝦王」三駒由潘頓上陣，結果全部非冠即亞。「東方快車」吼準五戰獲一勝三位路有專長之田草1600米才復出，鬥志不成疑問。
另外，第九場二班1200米泥地賽之「小巨人」，在港兩戰均跑田草1200米，並取得一冠一亞，此駒今季一直操而不戰，遲遲未復出，並且唔報10.1國慶日二班同程田草1200米，刻意等今場，選擇初跑泥地賽，部署絕不尋常。觀乎「小巨人」歷來三次試泥閘全勝，可能練馬師賀賢正是睇中牠這一點，隨時泥地仲勁過草地，加上「小巨人」抽2檔，更值得睇好。