全新旅遊專頁，即like籽想旅行：https://fb.me/travel.appleseed
如果你感覺自己每朝返工都好似條喪屍，眼神散渙，漫無目的，仲要俾「人類」欺壓，咁呢個路跑絕對可以畀你好好發洩！
今年殭屍路跑由台北改為喺台中舉行，全程約三公里，參賽者會分成殭屍組同人類組。人類會獲派三條代表生命嘅腰帶，沿途不停會有殭屍衝過嚟企圖搶走腰帶，人類就要喪跑逃生。如果到達終點之前，身上仲有至少一條腰帶，就係生還者；相反，如果腰帶俾殭屍搶晒，就變成感染者。
不過識揀一定揀做喪屍，當日任務就係嚇人兼搶人腰帶。化埋個恐怖鬼妝，相信會係人生入面，最多人為你尖叫嘅一日 !
殭屍路跑日期：10月21日
記者：魏可婷