【本報訊】恒生管理學院會計學系一名前講師在3個月內向時任系女主任發送語帶恐嚇的WhatsApp訊息，例如「殺你！殺你！殺你！」、「身上有刀」及「一定返嚟殺你，累到我冇錢冇工」。前講師昨經審訊後在沙田法院被裁定6項刑事恐嚇罪成立，他在裁決期間一度爆粗鬧裁判官「X!你咁乸廢，我仲勁過你，喺行政上」，又質疑對方不配做裁判官。
現時無業的被告文志強（35歲）被指於去年平安夜至今年3月11日威脅黃若霞人身遭受損害，意圖令她受驚。
「掛住件袍唔代表你係啱」
裁判官黃士翔昨裁決時指，控方證人誠實可靠，不接納文稱賬戶被盜用、有關訊息不是他發出的說法。文被定罪後邊搖頭冷笑邊說「嘥時間」，又質疑黃官立場偏頗，「你掛住件袍，揸住支筆，坐呢個位，唔代表你講嘅嘢係啱，唔代表你做事準確」，「個個都坐喺度聽，唔代表你一定啱」。
控方指文有一個不同類型案底，黃官表示稍後再處理文說粗口一事，問文會否求情，文強調他沒有做過，不會求情，亦不會上訴，「成班人都知我俾人老屈」。裁判官索閱文兩份精神科醫生報告，還柙至本月26日判刑。
案件編號：STCC975/17
■記者戴國輝