娥特前日發表任內首份施政報告，表明會親自領導一個高層次、跨部門嘅創新及科技督導委員會，呢個督導委員會就會檢討過時法例同政策，為新興經濟活動同創科發展拆牆鬆綁，不過外界就覺得娥特係想架空創科局長楊偉雄、呢位梁朝重臣噃。
楊偉雄噚日出席施政報告簡報會時，佢多次澄清創科唔係一個部門或政策局工作，要跨部門、高層次、高效率工作。佢又提到香港同廣東省喺大灣區河套合作發展創科時，需與廣東省省長對口，由林鄭主持係好合適，仲話「我係唔夠班㗎」，之後話新加坡總理都有親自統籌類似嘅委員會，否認被架空。
另有記者問楊貴為創科局局長，點解記者會上仍用紙筆記錄，而唔用iPad？佢話因場地燈光難睇iPad，又話打字好似唔係咁尊重記者，私底下佢好鍾意用iPad！見過Steve Jobs，梗係要捧場。