90年代過氣偶像Aaron Carter最近新聞多多，29歲嘅佢早前宣佈出櫃、同女友分手、同哥哥即Backstreet Boys成員Nick Carter失聯、藏毒被捕、整容等，之後更上節目《The Doctors》哭訴話自己可能染上愛滋病，不過之後又話一場誤會。
Aaron Carter咁識做新聞當然要食住個勢，佢近期就勤力更新Instagram，1.82米嘅佢上月暴瘦，體重更跌至115磅新低，不過見佢呢排貌似健康不少，日前更自拍赤膊近照，Aaron話已成功在數星期內增肥30磅，目前體重回升至145磅，睇嚟佢接受完復康療程後已成功戒毒。