「完美奸人」鄭子誠，一切言行，似乎都好有陰謀，若然佢幫特區政府sell施政報告，大家又會唔會，對娥特落實措施，多一分懷疑呢？
政府新聞處喺YouTube上載題為「行政長官的2017年施政報告」短片，本來大家見到呢個標題，應該冇乜click入去嘅意欲，君不見同大家同行咗百日嘅林鄭班子，都不及普遍市民只識咗3日嘅貓貓波子咁受關注；但若然見到係由鄭子誠旁白，相信吸引力又大增。
鄭子誠喺片中以佢磁性聲線，講出「經濟、房屋、教育、安老、勞工、創新同科技，就算方向同步伐因人而異，讓我哋一齊起行。擁抱希望，分享快樂」，片中唔見林鄭個樣，只見佢條腿，唔知幾多人聽完，覺得特區政府一定有陰謀？