法官不知道「食花生」點解，庭上叫被告「用返一般人的用語」。
一般人，lol。
法官大人注定移民火星，不食人間煙火，只知一股歪風，不懂花生易食難剝。這幾年，遍地開花的潮語，街頭巷尾，比紙皮搶手，一人N句，朗朗上口，不作高深，但求花生，食得無嘥。
比起食花生，「國家的底氣」，法官會不會又試中伏？
識條鐵的普通MK市民，食住花生感受國家底氣，一般定唔係好一般呢？姑且理解為，沒有最底，只有更底，底氣比地氣更深藏不露，以為接了西環地氣的高官和議員，小心有詐，你底下那條，根本唔係地氣而是……死氣喉，強國製，隨時爆！
食花生，難消化。
殺無赦又點？
去到法律層面，點都要警告發言者，今時今日就算貴為西班牙國王，都唔可以對住爭取獨立的加泰人公開大喊殺無赦。除非庭上那位是，神一般的，習帝！