林鄭刻意展示同梁振英有分別，就連宣佈施政報告嘅安排亦有新猷，除咗僅讀撮要，今次亦係林鄭班子放寬網媒採訪後，首次准許網媒採訪施政報告。
網媒破禁 熱時成焦點
朝早8點半傳媒喺政總lock up睇報告時，只有兩間網媒到場；下午2點零嗰場記者會，就比朝早熱鬧好多，包括熱血時報等網媒都有派員採訪，熱時記者更成為攝影師嘅焦點，佢哋嘅提問亦好正路，問林鄭設公務員學院係咪洗腦。難得噚日有唔少人「憶起」前新聞統籌專員馮煒光，皆因喺呢啲大日子，都笑料頻頻；噚日冇亂點傳媒提問情況再生，難怪有官員講笑話「唔慣」。