喺安察洛堤執掌拜仁慕尼黑期間，不時傳出球員不滿肥安嘅訓練安排，洛賓更曾投訴拜仁訓練強度，還不如個仔嘅足球訓練班。被指係其中一個唔妥肥安嘅拜仁球星湯馬士梅拿（圖），代表德國出戰阿塞拜疆後講得好白：「好高興將會再次獲得良好嘅訓練。」梅拿又大讚拜仁新帥希歷基斯係合適人選，認為希帥更能激勵球員士氣，同埋提升球隊防守能力，擺明「暗踩」肥安。
但正所謂「有人歡喜有人愁」，盛傳同安帥關係密切嘅占士洛迪古斯（J洛），因不滿球會解僱安帥，租借加盟拜仁數月已想返皇家馬德里。另一方面，72歲嘅希歷基斯因離開足壇一段日子，被質疑執教能力，但希帥就話：「足球並無重新發明」，有信心搞掂安帥留下嘅爛攤子。
求驗客