想喺網上變紅人，身材好嘅後生女一定有著數，但如果齋賣美色，久而久之就畀人覺得太膚淺，最好有其他賣點。好似一位身材勁爆叫Jem Wolfie嘅澳洲90後少女，就用運動同健康飲食之道吸引人follow佢ig，結果真係好成功。
Jem Wolfie家陣ig已經有近60萬支持者，就咁睇相，身材真係令大家眼都凸，上圍超豐滿，又有個極翹嘅美臀。不過，相比其他賣性感嘅女仔，佢就比較著重健康美，雖然大部份都係比堅尼或好少布，但經常出現健身室同拎住個籃球拍照。
阿Jem自細就鍾意打籃球，成日喺網上分享自己打波啲短片同相，仲有件公牛1號波衫。可能好多人會話，佢都係藉運動或籃球博上位，但其實佢技術都ok，而且本身都係一位有牌嘅健身教練，仲開咗間叫Good Eats嘅公司，有FB專頁，專業提供一啲健康飲食之道同餐單畀顧客，家陣喺歐美健身界好流行呢種生意，絕對係叻女一名。