早前暑假訪問過多位騎師，基本上個個都話馬圈競爭大，真係聽到都覺得佢哋惡撈。
外國就好唔同，好多騎師都係馬房或者大馬主主帥，餘者就有經理人幫手接馬，唔似得香港要騎師親身向馬主同馬房推銷自己。
當自己少馬贏，馬房同馬主又唔太支持之時，可能真係要諗幾時執包袱。而當馬會唔續約俾自己，當事人就只好返番自己國家搵食，另謀高就！
未來最有可能離開香港的騎師就是45歲資深法將杜利萊，點解？外號杜記嘅佢9月一場馬都未贏過，仲要試過停賽期滿復出之日（1日）俾人遺忘，一隻座騎都冇，焗坐冷板櫈呀陰公！
雖云人比人、比死人，但係雷神莫雷拉當年贏完香港打吡大賽，第二朝天未光已經落場操馬，謹守崗位做好本份。
所謂一分耕耘一分收穫，勤力是成功的基本元素，馬圈競爭大冇人敢偷懶。或者杜記想贏馬就要學習兼熟讀雷神思想及精神，用勤奮、努力及表現說服馬主同練馬師，以給予自己所需的支持。