【《add》專訪】張智霖（Chilam）近年密密接拍真人騷，今年將工作重心放回電影上，先後接拍多部電影，不過工作再忙，Chilam都會做好爸爸、好老公這個最重要角色，「阿爸要成日喺屋企㗎咩？我都會盡量抽時間去見佢哋，不過我屋企比較傳統，男主外女主內。」
撰文：陳蔚渝
攝影：周樂恒
化妝：Hetty Kwong
髮型：Vic Kwan of ii Alchemy
張智霖今年在電影方面頗為多產，一口氣接拍了《京城81號II》和《常在你左右》兩部驚慄電影，另外又拍攝了《洩密者》和《L風暴》 ，Chilam不約而同都飾演警察，對他來說不是駕輕就熟，反而是更大挑戰。
年尾再拍劇
《洩密者》飾演警察，正在拍攝的《L風暴》同樣飾演警察，Chilam坦言演出相同角色其實更有難度，「每次都想有唔同，警察職位又好，或者係性格、表現、外形都會唔同，所以今次會留吓鬚，盡量搵不同之處，如果套套都一樣，自己都覺得好悶。」
已經有一段時間沒有拍劇，Chilam透露年尾將會再次拍劇，「做藝人有時都係比較被動，有時唔係今年你想大部份時間唱歌，就可以唱歌，又或者想做戲就做戲，要每個製作單位配合。」但拍劇竟然又是飾演警察，「每次都有唔同嘅人物設定，今次係警察，下次係律師，跟住係醫生，對我嚟講比較容易處理。但如果次次都係警察、警察、警察嘅時候，點樣去搵一個新鮮感畀自己或者觀眾，係個幾有難度嘅事，我𠵱家就做緊呢件事。」
兒子好怕醜
近年不少明星帶子女拍攝真人騷，問Chilam可會考慮，「其實都有邀請過，但始終係時間問題，佢係學生要返學好難就時間。」但要出鏡又可會接受得到，「我諗佢自己都未必接受到，哈哈哈……佢好怕醜。」兒子魔童偶然會出現在Chilam的自拍影片，都是表現得活潑好動，但原來面對外人卻是怕醜仔一名，「喺屋企係一個安全環境嘛，自己喺度玩就OK，但如果要面對咁多人，我覺得佢未必可以好似其他小朋友咁自在，佢都係怕醜。」
近年不少星二代都加入娛樂圈，魔童年紀輕輕已經遺傳爸爸媽媽的優良DNA，連老婆靚靚袁詠儀都曾大讚囝囝靚仔，若果魔童將來想入行，Chilam又有何看法，「其實做藝人都係其中一行，但聽講呢個世界仲有72行，每個小朋友都有好多可能性，所以我唔會成日着眼於佢究竟會唔會入行，呢個行業好細，世界好大。」
非浪漫之人
Chilam與老婆靚靚是圈中的模範夫妻，結婚16年依然恩愛，更不時於網上放閃 ，不過Chilam就強烈否認自己是浪漫的人，不過聽到他說出對浪漫的定義，其實就已經足以冧爆，「浪漫並唔係在於物質，時常要送嚟送去，送嚟送去但係你成日都出去拈花惹草都係冇意思，反而我覺得係一個遵守，或者叫做keep住一個promise係最浪漫嘅一件事 。」靚靚有要求做甚麼浪漫的事？Chilam笑說：「咁就實在太膚淺喇！」
【平衡Dress Up】
張智霖早前過了46歲生日，身為美魔男的他無論皮膚外貌身形，依然保持得非常好，這次受訪時因為拍戲而留鬚，更多了幾分男人味。
對於衣着打扮，Chilam表示私下愛輕鬆，「喺工作上我都有要求，每次出嚟希望都符合到要去嘅場合，但私底下就盡量輕鬆，平時已經好dress up，私底下就盡量casual平衡番自己生活，平時又咁行，做嘢又咁行，我唔係想要咁嘅生活。」
更多精采時尚內容，盡在 http://add.appledaily.com 。