周日NBA中國賽上海站，由運動飲料佳得樂冠名贊助嘅「一投百萬」總決賽喺第一節後上演，率先登場嘅南京賽區選手呂斌成功logo shot，擊敗北京賽區選手KL贏得冠軍，仲得到100萬人民幣（約120萬港元）獎金㖭！不過，屈居亞軍嘅KL都可以話係過五關、斬六將先殺到入總決賽，所以佢都贏得NBA明星賽之旅，下年二月可以到洛杉磯睇波。