勇士同木狼周日剛喺上海完成NBA中國賽，而兩軍球員上周六就要出席NBA球迷日等一連串活動，行程都幾乎排滿全日。不過，有球迷發現勇士前鋒祖蒙特格連（Draymond Green）完成活動之後，夜晚就去咗上海著名夜店ASL玩，而且佢仲俾勁多身材超好嘅女仔包圍㖭。從網上流出嘅短片可見，格連玩得勁開心，仲不時同身邊嘅靚女跳舞。