德國四級色情電影女星蘭娜（Lena Nitro），最近搞搞新意思涉足足球界，同德國第6級別聯賽SV奧巴禾斯巴治（SV Oberwurzbach）合作，用佢自己個名做贊助商標，印喺奧巴禾斯巴治球衣心口度。日前有某網站將呢單新聞同前車路士隊長泰利扯上關係，笑一向桃色新聞多多嘅泰利會吼實呢隊波，識玩嘅蘭娜梗係唔會錯過呢個宣傳機會，喺佢自己Twitter度轉載幅圖片，仲話有興趣由阿士東維拉拉壟泰利過檔。
泰利早年傳出過唔少醜聞，最出位梗係將綠帽畀當時車路士隊友布歷治，同後者女友有染嘅經典。不過泰利喺近年似乎已經修心養性，冇乜桃色新聞出現。SV奧巴禾斯巴治今季搵蘭娜合作，無非都係搞下綽頭，球會老闆尼斯話：「我同球隊教練同隊長傾過下，要喺今季搞啲出位嘢，既然我哋陣中都有唔少傻傻哋嘅球員，咁不如就試下同呢位火辣女星合作，而佢本人亦對呢個諗法好有興趣。」