快活谷馬場試閘，除了是賽駒重要備戰環節，亦是馬圈人士的周末家庭同樂日，如今早(7日)谷閘便見不少馬主、練馬師一家大細到場睇馬，渡過一個愉快的周末。
好像練馬師方嘉柏便和兩個兒子有傾有講，一起聚精會神觀看旗下馬匹試閘，越來越似想部署兒子接班，可能十多廿年後，便成為自方祿麟、方嘉柏後，方氏第三代練馬師。
另一廐主麥菲文則和太太Anna及其三胞胎兒子之一的阿Max，參觀快活谷馬場早上風光；生得高大靚仔的Max是趁學校休假第二次來港，稍後就會返回澳洲。
不過最搶鏡還是騎師潘頓一對年幼子女，女完Roxy比前長高了不少，嬌嗲的她霸住弟弟Cash仔的BB車，嚷着要父親陪他玩，非常爭寵，呢位小情人的地位，分分鐘仲高過潘頓太太Nicole。而潘頓今早同家人玩得開心外，自己亦於第四組及第五組谷閘分別勝出「心慷慨」、「幸運時代」，都算收穫豐富。