周日（8日）沙田八草兩泥賽事，草地用B加2欄，天文台預測天晴，估計場地掛牌仍為好地。
睇番去年同日草地賽事，亦係用B加2欄，賽果具參考性，當日八場草地賽，分別有「按得贏」、「踏雪無痕」、「小米周」及「旌暉」放頭帶到，前置馬優勢頗大，後追馬爭勝難度甚大，具前速之馬仍可優先留意。
今期第五場「佳運來」兩次跑田草B加2欄非冠即亞，重返強項可看好。另外，第六場「美麗寶寶」跑田草B加2欄一次即勝，亦係全場唯一贏過此移欄之馬，擺前賺形勢可回復表現。
泥地方面，周日兩場泥地賽路程均為1650米，查今季兩場同程賽事放頭馬均上名，第七場「五星特工」及第九場「太陽旺旺」等擅跑泥地之快放馬咪睇小。